Ka ardhur koha të shesësh në internet? Si?

 

Me rritjen e popullaritetit të blerjeve online, ka shumë biznese që përpiqen për të plotësuar nevojat e blerësit nëpërmjet shitjeve në internet. Tashmë është më e lehtë se kurrë për të filluar biznesin tuaj në internet dhe për të filluar shitjen e produkteve tuaja. Ja një udhëzues i thjeshtë, që ju tregon hap pas hapi si të filloni të shisni online:

1 – Vendosni çfarë do të shisni

Nëse nuk e dini se çfarë do të shisni, nuk mund të vazhdoni me ndonjë nga hapat e mëposhtme në këtë proces.
Ju mund të shisni prodhimet e tuaja. Shumë biznese online fillojnë për shkak se pronarët kanë një produkt, që ata duan të shesin. Këto produkte mund të përfshijnë linjat e veshjeve, bizhuteri, shërbime, apo objekte të tjera që keni krijuar. Nëse zgjedh këtë rrugë, duhet ta dini se sfida e kërkesave tuaja përballë konsumatorëve mund të jetë e vështirë.
Nga ana tjetër, ju gjithashtu mund të shisni produktin e dikujt tjetër nëpërmjet web-faqes tuaj. Në qoftë se ju vendosni të bëheni shitësi i produkteve në këtë mënyrë, do të duhet të gjeni një burim të besueshëm apo shitës, që ka kapacitet të mjaftueshëm për të përmbushur nevojat tuaja dhe që ofron një cilësi të produktit që do të rrisë biznesin tuaj, jo ta pengojë atë.

Lexoni 6 pikat e udhëzuesit >>

Tokyo Motor Show fokusohet tek eko-makinat

 

Makinat miqësore për ambjentin kanë qenë në qendër të vëmendjes në Tokyo Motor Show, i cili u hap të mërkurën, me Toyota që zbuloi një model të ri dhe Nissan BladeGlider aerodinamik për shoferët e ndërgjegjshëm tëenergjisë.
Toyota, një pionier i automjeteve hibride, shfaqi makinën koncept FCV, një sedan katër – vendësh që udhëton 500 kilometra pa u furnizuar dhe qelizat e karburantit mund të furnizohen në vetëm tre minuta me hidrogjen. Makinat pritet të dalin në shitje dy vitet e ardhshme. Çmimet relativisht të larta dhe zgjedhjet e kufizuara të modeliy kanë dëmtuar kërkesën pavarësisht shpresave të mëdha. Por blerjet e automjeteve me ndotje të ulët parashikohen të rriten për shkak të standardeve gjithnjë e më të rrepta shkarkimeve të gazrave.

Lexoni më tepër >>

Bota e konsumit

Zgjerimi dhe përhapja e klasës së konsumatorit

Praktikisht shpenzimet e përditshme, numri i konsumatorëve, nxjerrja e mineraleve dhe hidrokarbureve, konsumi i mallrave dhe shërbimeve është rritur në mënyrë të qëndrueshme në vendet industriale për dekada të tëra dhe po rritet me shpejtësi në shumë vende në zhvillim.
Nga llogaritjet, tani ka më shumë se 1.7 miliardë anëtarë në “klasën e konsumatorëve”, gati gjysma e atyre të botës në zhvillim. Kjo mënyrë jetese dhe kulturë, që u bë e zakonshme në Evropë, Amerikën e Veriut, Japoni dhe disa vende të tjera të botës në shekullin e njëzetë është duke u kthyer në prirje globale këtë shekull të ri.
Në të gjithë botën, shpenzimet e konsumit privat, shuma e shpenzuar për mallra dhe shërbime arriti 20000 miliardë USD në vitin 2000, katërfish më e lartë se 1960.
Ndërkohë që të ardhurat rriten, njerëzit janë të prirur për të blerë artikuj konsumi që lidhen me prosperitet më të madh.

Lexoni më tepër >>

Sa do të të kushtojë mënyra e të jetuarit?

Mënyra se si i shpenzojmë paratë tona, ka lidhje me llojin e jetesës që duam të bëjmë.
Disa prej nesh, në qoftë se do t’u binin në dorë 1000 Euro, do t’i shpenzonin për arredimin e shtëpisë, të tjerë për edukim, për pushime, bamirësi dhe disa të tjerë ndoshta do t’i futnin në llogarinë e kursimit.
Secila nga këto zgjedhje shpjegon mënyrën, se si dëshirojmë ta jetojmë jetën, por shpesh ne i bëjmë këto zgjidhje instiktivisht, pa ndonjë lloj gjykimi.
Pse ndodh kështu? Për ta mësuar kemi përgatitur një pyetësor, (kliko për të marrë pyetësorin) i cili në fund ju tregon dhe koston e mënyrës së jetesës që zgjidhni, duke treguar edhe se çfarë lloj të të ardhurave familjare do t’ju duhen për ta përmbushur atë.
Sigurisht që ky mund të jetë një vlerësim i përgjithshëm, sepse ju mund të zotëroni një biznes apo prona më tepër se parashikimi juaj i hershëm, mund të keni më shumë fëmijë (ose më pak ) se sa kishit planifikuar, ose kur të dilni në pension do tërhiqni në muaj një shumë, që as e kishit menduar.

Lexoni më tepër >>

Pagat mesatare më të larta, Shqipëria e parafundit në Evropë

Paga mesatare në një vend është treguesi financiar i mirëqenies së banorëve të atij vendi. Natyrisht,një pagë më e lartë mesatare, do të thotë më shumë para për të shpenzuar dhe më shumë para për të kursyer. Ndërsa ka një mori faktorësh të tjerë që duhen marrë në konsideratë, si taksat, kostoja e jetesës, sigurisë, mirëqenies  etj. Vendi ynë renditet i parafundit në listën e vendeve evropiane, duke kaluar vetëm Moldavinë, ndërsa paga mesatare bruto për një shqiptar është 3,984 USD, pra 10,5 herë më e vogël se e një amerikani (38,066 USD më pak), 5,4 herë më e vogël se e një greku (17,368 USD më pak) dhe 3 herë më e vogël se e një hungarezi (8,859 USD më pak).

Renditja e vendeve me pagën mesatare më të lartë >>

Makinat që shkëlqyen në Frankfurt Motor Show 2013

Frankfurt Motor Show i këtij viti ishte një nga shfaqjet më të frekuentuara në historinë e tij. Me një sasi kaq të madhe të përfaqësimit të markave të prodhimit të makinave, është vështirë të zgjedhësh ato që shkëlqejnë mes të tjerave për gjithë komponentët përbërës që ka një makinë, por sipas Autoblog, disa prej këtyre makinave që debutuan në panair mund të veçohen sidomos për dizajnin mahnitës dhe motorët hibridë. Le të fillojmë me nr. 1:

1- Volvo Coupe Concept

Në një shfaqje të dominuar nga makina koncept mbresëlënëse mund të duket e habitshme se si Volvo Coupe Concept doli në krye të votimit. Votuesit votuan për të, të impresionuar nga dizajni i këndshëm dhe modern, për më tepër është shumë komfort dhe e bukur edhe nga brenda, stof leshi me cirka, lëkurë dhe dru.

Shihni makinat e tjera në renditje >>

Cili është smartphone më i mirë: HTC One, Galaxy S3, apo iPhone 5 ?

HTC sapo ka nxjerrë supertelefonin e saj Android , HTC One. Ky zhvillim i fundit në luftërat e smartphone ka ngritur një përplasje epike që në thelb është një betejë edhe mes numrave, jo rastësisht 1, 3 dhe 5.
Kjo është, HTC 1, S Galaxy 3 dhe iPhone 5.
Në këtë përplasje titanike të supertelefonave, a ka ndonjë mundësi që më i hershmi, Apple me iPhone 5 të marrë kurorën? Apo është më shumë si një lojë golfi, ku sa më i ulët numri aq më mirë dhe njëshi do të thotë se fitorja është pranë HTC? Apo më i fuqishmi duket numri tre – si seriali i goditur i filmave? – A e ka frenuar disi Samsung vrullin e tij në Takedown ndaj Apple dhe gjithë krijuesve të tjerë Android?
Le ta lemë numerologjinë mënjanë, e cila ndoshta shume prej nesh nuk na pëlqen: dhe t’iu hedhim një sy specifikave të reja nga HTC One që lëviz qetë, Galaxy Samsung S III, apo iPhone super-slim Apple 5.

Shihni tabelën e krahasimit >>

Si të rrisni numrin e vizitorëve, lexuesve apo fansave nëpërmjet 100oferta.com

Ju mund të keni diçka për të shitur dhe këtë ofertë doni ta lexojnë sa më shumë njerëz; mund të keni një faqe interneti, ku doni që të vijnë sa më shumë vizitorë për të marrë informacion rreth shërbimeve apo prodhimeve tuaja; mund të keni një faqe në Facebook, nëpërmjet së cilës qëndroni në kontakt të vazhdueshëm me klientët tuaj, duke ju prezantuar atyre gjithçka doni të shisni.
Pra nuk ka rëndësi nëse shisni vetëm një telefon, apo keni një agjenci imobilare me më shumë se 1.000 oferta për të publikuar. Ajo që ju duhet është, që ky informacion të përhapet sa më shumë aty ku duhet, pa qënë nevoja të bezdisni gjithë ditën me email-e spam, që e kanë efektin shumë të shkurtër (madje ka mundësi të futeni në listën e zezë ndonjë ditë).

Atëherë si duhet të veproni?

Lexoni më tepër >> 

Si të përgatiteni për një intervistë pune?

 

Disa rregulla të thjeshta për të qenë kandidati kryesor për vendin e punës
Të gjithëve na ka rastisur të jemi prezentë në një intervistë për një vend pune. Emocionet padiskutim janë të mëdha, e ndoshta çdo rregull i mësuar më parë, në ato momente harrohet. Megjithatë e rëndësishme është siguria dhe besimi në aftësitë tona, të cilin vlen ta shprehim, jo vetëm përmes fjalëve që themi, por edhe mënyrës se si sillemi, qëndrimit që mbajmë dhe gjestikulacionit.
Kontakti sy më sy, mënyra se si ulemi dhe qëndrojmë në karrige, toni i zërit dhe vendosmëria që përcjellim përmes të folurit, fjalët që themi dhe plotësia me të cilat i themi, mënyra si i mbajmë duart dhe lëvizja që bëjmë, veshja jonë, janë disa prej alementëve të cilët meritojnë një vëmendje të madhe. Mos harroni, ndër të tjera shprehjen e famshme të regjisorit Woody Allen: “80 % e suksesit është pamja”.

Lexoni më tepër >>

10 pyetjet që duhet t’ia bëni një agjencie imobilare

 

Zgjedhja e një agjencie imobilare për të shitur pronën tuaj shpesh është e vështirë, sidomos në qoftë se për ju kjo është hera e parë. Për të përcaktuar se cila është agjencia e duhur imobilare, ju mund të kërkoni përgjigje nga 10 pyetje kyçe, si këto më poshtë.
Për t’iu ardhur në ndihmë, 100oferta.com ju ofron pyetësorin e mëposhtëm për ta shkarkuar në kompjuterin tuaj, më pas ju mund t’ia dërgoni agjencive imobilare edhe nëpërmjet email-it (kërkoni këtu për një agjenci imobilare).

1. Sa kohë keni që operoni në treg?

Në këtë industri, përvoja patjetër ka vlerë, por kjo nuk do të thotë se agjencia me përvojën më të gjatë është zgjedhja më e mirë për ju. Ju po kërkoni një agjenci, që ka pasur përvojë të mjaftueshme për të trajtuar të gjitha aspektet e shitjes, të kombinuara me entuziazëm dhe motivimin e nevojshëm për të siguruar një blerës për ju.

Lexoni 9 pyetjet e tjera >>

8 këshilla për të shitur shtëpinë tuaj

1. Çlirohuni nga emocionet

Sapo të keni vendosur të shisni shtëpinë, duhet të filloni të mendoni në një mënyrë tjetër: “Këtë shtëpi tani duhet ta shes, në mënyrë që të lëviz tek shtëpia ime e re”. Kjo do t’ju mbajë larg lidhjes emocionale, që mund të keni me shtëpinë dhe do ta bëjë më të lehtë procedurën e shitjes.

Lexoni 7 këshillat e tjera >>

10 këshilla për të shitur një makinë të përdorur

1. Të njohësh tregun

Do të jetë e lehtë të shisni makinën tuaj? Apo do t’ju duhet të ulni çmimin dhe të prisni gjatë? Ja disa të dhëna interesante:

-          Makinat familjare edhe pse nuk kanë shumë fansa, kanë një kërkesë në rritje

-          Shitjet e makinave të modifikuara dhe sportive janë sezonale; më shumë preferohen në verë

-          Kamionat, autobusët dhe furgonat kanë blerës të qëndrueshëm dhe çmime të mira. Mos i zhvlerësoni.

-          Makinat e rralla kërkojnë më shumë kohë për t’u shitur. Megjithatë mund të fitojnë vlerë të jashtëzakonshme po të gjeni blerësin e duhur.

 

Lexoni 9 këshillat e tjera >>

7 këshilla për të kërkuar në internet

Nëse ju jeni një ekspert i kërkimit në internet nuk ka nevojë ta lexoni këtë udhëzues, por ndoshta ju e përdorni ende Google (Google.al ose të tjerë motorë kërkimi) në formën e tij më të thjeshtë. Ka disa mënyra të mira, që mund t’ju japin shpejt rezultatet e dëshiruara. Për më tepër, kjo nuk është e vështirë për t’u mësuar.

1.Frazë e saktë:

Kur ju e dini saktësisht frazën që kërkoni, atëherë futeni brenda thonjëzave dyshe dhe do të merrni rezultate saktësisht për grupin e fjalëve që pë kërkoni. Konsiderohet nga Google si një fjalë e vetme
Shembull: “kerkoj pune ne tirane”

Lexoni më tepër >>

Të blesh apo të shesësh? Kjo është çështja!

 

Studimet e reja në SHBA tregojnë, që në kohë krize, 80% mendojnë se është momenti i përshtatshëm për të blerë, por vetëm 7.6% mendojnë se është momenti i përshtatshëm për të shitur.
Kërkimet e reja japin një përgjigje pse blerësit mendojnë se është moment i përshtatshëm për të blerë, ndërsa shitësit nuk mendojnë se është ky momenti për të shitur.
Tendenca e blerësve është normale si në çdo krizë ekonomike, por këtë herë shitësit janë ndryshe. Ajo që e dallon këtë lloj krize nga të tjerat është ulja dramatike e çmimeve të pronave të paluajtshme, sidomos në vendet e zhvilluara. Pas një rritje marramendëse prej 40-60% nga viti 1992 deri në 2005, çmimet e pronave të paluajtshme, sidomos shtëpive në tregun perëndimor pësuan një ulje të menjëhershme, duke arritur deri në 70%, edhe pse kërkesa e blerësve mbetet e lartë.

Lexoni më tepër >>

Tregu evropian i pasurive të paluajtshme

 

“Një krizë ekonomike ka lënë industrinë e pasurive të patundshme evropiane në harresë, krahasuar me tregjet që preferohen më shumë për potencialin e tyre dhe paratë e sigurta, sesa për fitimet e larta, tregje që fitojnë vëmendjen e investitorëve si alternativa të llojeve tradicionale të pronësisë”, arrin në përfundimin e tij raporti “Tendenca e Pasurive të Patundshme të Evropës 2012 dhe parashikimit vjetor” publikuar nga PwC dhe Urban Land Institute (ULI).

Lexoni më tepër >>

Disa nga mundësitë e reklamimit tek 100oferta.com

 

Tashmë 100oferta.com ka fituar besimin e shumë lexuesve dhe përdoruesve. Nga muaji në muaj renditja përmirësohet dukshëm (shih www.alexa.com), duke u rradhitur në krye të faqeve për njoftime të klasifikuara në shqip. Ne jemi duke përmirësuar disa çështje specifike, që nuk mund t’i kishim evidentuar pa ndihmën e përdoruesve, të cilët na kanë ndihmuar vazhdimisht me sugjerimet dhe kërkesat e tyre. Ju falënderojmë sinqerisht! Duke përmirësuar më tej shërbimet që ofron 100oferta.com, e shohim me interes edhe zgjerimin e gamës së tyre. Kështu, përdoruesit që duan të përfitojnë më tepër nga bashkëpunimi me 100oferta.com, tashmë do të kenë më tepër mundësi, duke bërë të mundur edhe marketingun, edhe reklamimin nëpërmjet platformës sonë. 100oferta.com ju ofron mundësi të mira dhe të studiuara, për të qënë sa më efikase, sa më të lexueshme, por edhe për të mos e dëmtuar “zemrën” e platformës: njoftimet dhe ofertat FALAS. Formatet e pranueshme janë: JPG, PNG dhe GIF (animim). Lexuesi do të jetë përsëri komod në kërkimin e informacionit dhe i pashqetësuar nga reklamat. Ja disa nga mundësitë e reklamimit tek 100oferta.com:

Lexoni më tepër >>

Përdorimi i internetit në Shqipëri, shifrat dhe tendenca

Gjatë vitit 2011 numri i familjeve që kanë akses në internet me baund të gjerë ose ndryshe broudband janë 161 mijë ose afërsisht 22% e familjeve në vendin tonë. Mbi 13 mijë pajtimtarë të internetit vijnë nga biznesi. Bazuar në këto të dhëna numri i lidhjeve me akses broudband për 100 banorë është rreth 6.2% krahasuar me 3.7 % që ishte në fund të vitit 2010. (Burimi: Autoriteti i Komunikimit Elektronik dhe Postare – AKEP)
Numri i përdoruesve të internetit nëpërmjet celularëve, vlerësohet të jetë rreth 1.2 milionë përdorues (40% e popullsisë). Ky shërbim është përmirësuar ndjeshëm edhe falë përdorimit të teknologjisë 3G. Sipas “Global Information Technology Report” të vitit 2012, indeksi i tendencës së përdorimit të teknologjisë së informacionit ka renditur Shqipërinë të 68-tën nga 142 vende nën studim, një rritje me 12 vende më lart.
Në renditjen e përdorimit (numra telefoni për 100 banorë) Shqipëria është e 19-ta, megjithëse e 96-ta për sa i përket cmimeve (0.42 $/min) dhe e 87-ta për sa i përket konkurencës në industrinë e telekomunikacionit dhe internetit.
Në fund të dhjetorit 2011 në Shqipëri numëroheshin 1.441.928 përdorues interneti, ose 48% e popullsisë, një shifër e krahasueshme me ato të vendeve të Europës. (Europa ka mesatarisht 67% të popullsisë përdorues interneti). Nga këta rreth 1.000.000 janë përdorues të Facebook, ose 34% e popullsisë
Statistikat e vendeve të zhvilluara tregojnë se qëllimet kryesore të përdorimit të internetit janë:

Lexoni më tepër >>

7 mënyra për të bërë sa më të lexueshëm njoftimin tuaj në 100oferta.com

100oferta.com ka përparësi një numër sa më të madh lexuesish për njoftimin tuaj. Ne përdorim gjithë infrastrukturën e mundshme në internet, që ta arrijmë këtë. Por edhe ju vetë mund të shtoni numrin e lexuesve të njoftimit për të gjetur blerësin e duhur.

1.Formuloni një njoftim të thjeshtë dhe të qartë

Kini parasysh që njoftimi shpallet tek listimet kryesore me një foto, titullin (e shkurtër) dhe çmimin. Kur formuloni njoftimin këto janë tre fushat që duhet ti plotësoni me kujdes. Titulli duhet të jetë tërheqës dhe jo shumë i gjatë. Fotografia e parë që shtoni në njoftim do të shfaqet tek listimet kryesore, prandaj mundohuni të zgjidhni një foto që ‘flet’ qartë. Avantazhi që kini tek 100oferta.com është se mund të shtoni deri në 8 foto nga 250 kb (nëse kërkoni të shtoni foto më të mëdha drejtohuni tek admin@100oferta.com). Çmimi po ashtu duhet të jetë i qartë, p.sh. për qira: “300 Euro/Muaj”, jo “300”.

Lexoni më tepër >>

8 këshilla për të blerë një shtëpi

1. A jeni gati të blini një shtëpi?

Së pari duhe të vendosni nëse jeni gati të blini një shtëpi. Të blesh një shtëpi ndonjëherë është më e kushtueshme se sa duket. Ju do jeni përgjegjës për të paguar gjithë riparimet. Mund t’ju duhet të paguani madje edhe taksa që nuk i kini paguar më parë, si taksa e pastrimit, taksa e regjistrimit të pronës apo siguracioni i saj. Këto kosto shtohen shpejt dhe janë në rritje, e nëse nuk mund t’i përballoni financiarisht do jeni në pozitë të vështirë.

2. Ju dalin paratë?

Së dyti duhet të filloni të bëni llogaritë: sa para keni gjendje dhe sa të tjera mund të siguroni nëpërmjet kredisë apo huamarrjes. Sa është shuma totale që mund të siguroni? Një këshillë e mirë është, që shuma e parave që kushton shtëpia nuk duhet të jetë më e madhe se trefishi i të ardhurave tuaja vjetore (p.sh. nëse ju fitoni 30.000 Euro në vit nuk mund të shpenzoni për një shtëpi më tepër se 90.000 Euro) . Pasi të keni saktësuar shumën duhet të kontaktoni të paktën tre agjenci imobilare. Një agjenci imobilare mund të gjejë zgjidhjen më të mirë për ju. Edhe një bankë ku mund të kërkoni kredi mund t’ju ndihmojë të gjeni një shtëpi për të blerë. Pasi të kini gjetur tregun e duhur mund të filloni të zgjidhni edhe ofertat.

Vazhdoni leximin...

Si të kurseni para?

Kursimi i parave është një detyrë shumë e lehtë për t’u thënë, por jo për t’u bërë.

Ka shumë mënyra për të shpenzuar para, krahasuar me mënyrat për të kursyer.

Sa para mund të kurseni, ku do t’i ruani dhe si mund të siguroheni se nuk do t’ju humbin?

Ja se si të vendosni objektiva realiste, për të mbajtur shpenzimet nën kontroll dhe për të shtuar paratë tuaja të kursyera. 

Klikoni këtu për të lexuar 12 pikat e forta të një kursimatri!!!

10 këshilla për të blerë një makinë të përdorur

1. Pse po blini një makinë të përdorur?

Nëse keni vendosur të blini një makinë të përdorur, keni marë një vendim të mençur. Mund të gjeni një makinë pothuajse aq të mirë sa edhe një e re. Makinat që janë vetëm 1 ose 2 vjet të përdorura janë 20-30% më të lira se një e re. Po ka edhe arsye të tjera për të blerë një makinë të përdorur:

-          Kurseni para

-          Keni mundësi të bëni Pazar

-          Makinat e përdorura janë këto kohë më të besueshme

-          Disa makina të përdorura janë akoma brenda garancisë

-          Historia e një makine të përdorur mund të gjendet thjesht duke përdorur numrin e identifikimit VIN në internet.

-          Procesi i negociatave është më i thjeshtë

2. Zgjedhja e makinës së duhur

Fillimisht shumë njerëz e dinë se ç’duan të blejnë. Por është mirë që t’i përgjigjeni disa pyetjeve: Mund ta përballoj shpenzimin e këtyre parave? Po konsumin e karburantit, taksat, siguracionin? Kam ku ta parkoj këtë makinë?
Pasi t’u përgjigjeni pozitivisht këtyre pyetjeve është mirë që të zgjidhni makina të ndryshme nga i njëjti klas për krahasim. P.sh. nëse doni të blini një VW Polo, mund ta krhasoni me një Opel Corsa, apo Peugeot 207 me të njëjtin vit prodhimi, fuqi dhe motor. Kështu mund të dalloni avantazhet dhe disavantazhet e makinës që keni zgjedhur.

Lexoni këtu edhe 8 këshillat e tjera.